Wia dis foto come from, Getty Images
Di Super Eagles of Nigeria bin fail to beat di Bafana Bafana of South Africa for di 2026 Fifa World Cup Qualifier wey happun for Uyo.
Dis na di third unbeaten for South Africa as Nigeria fail to beat dem again for home soil, Uyo, di Akwa Ibom State capital.
South Africa go play Zimbabwe for dia next game for di World Cup qualifying matches for Group C.
Afta a fruitless 28 minutes of play between di two teams, Zwane put di ball in play wit a beautiful strike wey drop for di back of Super Eagles goalkeeper Stanley Nwabali.
Di scoreline change as South Africa take di lead wit a one goal difference as Super Eagles dey struggle for a goal.
Skip Recommended articles and continue reading
Recommended articles
Nigeria, Ghana, Morocco, kontris 2026 World Cup qualifiers squad list
Nigeria record major win over Ivory Coast to boost chance for Afcon 2023
Why pipo dey slump and die during football match and how you fit watch safely
Nigeria struggle wit Lesotho for dia first 2026 world cup qualifying match
End of Recommended articles
Ademola Lookman and Alex Iwobi play togeda to try find di back of di net for first half but dem no fit and South Africa goalkeeper Williams dey kampe.
Di first half bin end wit South Africa leading.
Surprisingly, few seconds into di second half, di Super Eagles equalise wit a beautiful strike from Fisayo Dele-Bashiru afta di correct assist from Alex Iwobi.
At dis point, Super Eagles coach Finidi George begin dey smile for di touchline.
Di second half show a change of game for di Super Eagles wit dia energy to find more goals to lead.
Wen Chukwueze come in, im try create some chances but none turn to goal.
Mokwana and Tau na two star players for South Africa but dem also no score.
Nwabali dey confident for di goalpost and Tanimu hold di right-back correctly.
Unfortunately, di two teams no see any more goal till di match end.
Super Eagles coach Finidi George defend why im no use Victor Boniface for di match.
“We bin think about to bring am in, e suppose to come in, but wen we hear Ajayi complain say im no fit kontinu we gatz change our plan” Finidi tok for im post-match conference.
Currently, Lesotho dey lead di Group C wit Rwanda for second position. Nigeria dey 5th position but dem go face Benin for dia next game while South Africa wey dey 4th position go face Zimbabwe wey dey bottom of di group.
Nigeria vs South Africa highlights
FULL-TIME: Nigeria 1 - 1 South Africa
SECOND HALF
Williams wit di ball for goalkick.
90+4mins- Mudau trying to create chance for South Africa. lookman move wit di ball again, finding whom to pass give.
Iwobi gets di ball, turn round and try to shoot but e play am go up.
90+3mins- MOFFI lose dat ball. e for be a lead for Nigeria ooo.
WHAT A SAVE by Williams. Corner for Nigeria as Williams jump to catch di ball.
90+1mins- Stanley Nwabali dey post to catch di ball. Lookman take di ball, swing into di side, hit wit a shot- but di goalkeeper push am.
5Mins Added Time
90mins: Nigeria is putting some pressure but e neva turn to goal
Great touch by Tanimu wit a pressure
88mins: Great touc by Lookman as di Super Eagles dey in control. Mokoena take di ball.
Zwane is out for South Africa.
Nice pass to Lookman but poor finishing
86mins: Di crowd dey cheer di players. Lookman take di ball, move it closer, hit di ball but Misbau block am
85mins: ball is back in play. Lookman neva bring im Europa Leageu final skills come dis pitch.
83mins: Bassey win di ball, put it in play for Nwabali wey later launch am out. Some South Africa players dey tire. Mvala dey gas out for di pitch and diplay dey on HOLD.
81mins: GREAT STRIKE by Lookman but blocked by Ngezana and Mudau. corner taken by Lookman very fast. Nigeria building pressure.
More pressure on Williams from di Nigeria side, but e no too shake. Ball in play.
79' SUBSTITUTION: Ajayi out, Onyedika in for Nigeria. Onuachu out, Toffi in
78mins: What an overlap from di Nigerian players, Tau and Sithole square play but who shoot, oh no, no way.
South Africa dey try make move as Sithole dey find chance for a long shot to hit Nwabali
76mins: A little bit of stop sake of di South Africa player wey injure
WHAT A MISS for Nigeria. Chuwkueze collect pass from Iwobi, move to di post to collect di ball back as im tip am for di top of South Africa goalkeeper but e hit di bar and bounce back.
74mins: What an incredible for Tau, will he score? Oh no, ova di bar. Im get free space to move and shoot inside Nigeria net
72mins: Iwobi wit di ball, move a bit, thinking of wetin to do wit di ball, oh no, indecision make Bafana Bafana attack di ball comot from im hand
Whaatttt a Miss!! Osayi-Samuel no hit di ball well for inside box 18.
70' SUBSTITUTION for South Africa. Apoollis in for South Africa, Mokwana out. Rayners also out, Foster enta
Sithole make a good run. But Nwabali run come out to clear di ball
Both teams dey find goal to lead di game. Mokwana try a low shot but e no dey effective.
Nigeria 1 - 1 South Africa
68mins: Chukwueze play correct ball, give pass to Yusuff but e lose am, but still wit Nigeria. Chukwueze working so hard to get di ball back
SUBSTITUTION- Chukwueze in, Iheanacho out for Nigeria
Tau run wit di ball but e go corner
65mins:Ndidi find Lookman for di 18 yard but e no convert am. Tau dey try break Nigera midfield but Bassey and Iwobi dey stop am
63mins: Zwane give correct pass but na offside for South Africa
61mins: Lookman take di corner, Bassey try struggle for di ball, but e no dey enough. Nice counter attack by Zwane but im no fit complete am
SUBSTITUTION Deel-Bashiru is out, Yusuff enta
60mins: Correct ball from Iwobi. Osayi-Samuel wit di ball, e find Lookman, Lookman find Osayi-Samuel again. ball go to corner for Nigeria
58mins: Ball is back in play. Sithole and Tau on a great move towards Nigeria goalpost
Dele-Bashiru is down. dem carry am comot for pitch as im dey limp.
56mins: Great run by Mokwana wey dive right into di Nigeria box 18, but di ball dey stopped.
YELLOW CARD for South Africa. Ngezana get booked for foul
54mins: Ball is back in play, Mvala dey try dribble into Nigeria defence
Dele-Bashiru is down afta colliding wit South Africa defender
52mins: Correct run by Dele-Bashiru into di box 18, im fall for box 18 but referee no blow. Ball in possession
FREE KICK for Nigeria. Lookman take but Onuachu don go do foul for di box 18.
50mins- Jersey number 21 dey try complain give di referee.
Finidi George don dey show some smile wey di Super Eagles don equalise.
48mins- Iwobi dey do great assist for di Super eagles. Amazing start for di secon half. 23yrs old Dele-Bashiru don make di score equal.
Nigeria 1 - 1 South Africa
Dele-Bashiru score for Nigeria
46' GOOALLLLLLLL!!!
First Half
Nigeria 0 - 1 South Africa
Half- Time
Nigeria dey pressure South Africa but no chance to fire at di goal post
45+2mins: Lookman get chance but im no convert am agaim. Osayi-Samuel dey dribble but no finishing
Finidi George dey follow Iheanacho tok bifor half-time go come.
3mins ADDED TIME
Nice crossing from Lookman to Onuachu wey give am correct header oh, but di header no too strong as e land for Williams front-- e catch am
Nigeria 0 - 1 South Africa
40mins: Foul, dem fall Lookman down. Nice pass between Iwobi and Lookman, but im no fo well. Good shot by Ndidi for Nigeria.
Jersey Number 17 for South Africa almost put anoda goal for post oooooo. Wetin Nigeria defenders dey do like dis
38mins- Goalkick for South Africa- Finidi George dey look di kain miracle wey go happun.
Ndidi dey play well for di middle as im dey supply good pass give Iwobi
36mins: Corner punched by Nwabali. Great run by Ajayi but Williams don catch di ball already
CORNER for South Africa
Oh, what a save by Tanimu. Nwabali bin lose di ball afta sliding
34mins: Mokoena and Sithole dey try create chances for South Africa but Iwobi stand gidigba to dey clear anytin comot for dia legs
32mins: FREE KICK to Nigeria. To be taken by Iheanacho. But im play am wide bifor Bassey go fit reach touch am for back of net
YELLOW CARD. Di first card of di match to jersey number 6.
30mins- Nigeria coach Finidi George don stand from im chair wit heavy eyes
Nigeria 0 - 1 South Africa
South Africa don score. Zwane score wit a brilliant strike
29' GOALLLLLLLLLLLLL!!!
27mins: Oh, what a nice crossing from Ndidi, but na straight into di hands of Williams South Africa goalkeeper.
Nigeria dey get throw-in opportunities.
Dele-Bashiru dey show skill for Super Eagles. Long throw by Tanimu.
25mins: Nwabali get confidence for post as im catch di corner come still do long shot.
CORNER for Bafana Bafana
Nice ball clear by Iwobi at di goalpost, as Nwabali too dey show im goalkeeping skill
23mins: Di Bafana Bafana dey give dia goalkeeper well so im go fit launch but Lookman stand wit am.
Ademola Lookman, di Atalanta star dey give some correct dribles but di ball don go gooalkick bifor im pass am.
21mins: Lookman take di free kick, put am for middle but no Super Eagles player dey to shoot am inside post.
FREE KICK for Nigeria.
Nigeria wan create chance for di middle but e no show
19mins- Nice run by di Bafana Bafana jersey 5, good run, oh no, di linesman say na offside.
Keeper to keeper shot from Nwabali to Williams
Osayi-Samuel dey give serious defending for di Super Eagles.
17mins: Nice run from Number 17 of di Bafana Bafana but Nwabali stop di ball.
15mins: Jersey number 11 play di free kick for South Africa but na ova di bar as Nwabali no even too stress im sef to fly.
FREE KICK for South Africa
What a long shot for di Bafana Bafana. Defenders stop am and referee blow foul
13mins: Mvala and Modiba dey find correct midfield pass for South Africa
CORNER for South Africa afta Tanimu fire di ball comot from post
10mins- Ademola get di ball, im make sweet move but, chaiii, im no fit shoot go di post
Oh nooooo, South Africa for don score wit dat hot shot but Nwabali block am referee blow
Di Bafana Bafana player dey play correct ball
9mins: Anoda fine play by Lookman for South Africa Box 18 but im no fit convert di chance to goal
Nice touch from Lookman, im move a bit but, oh nooooo, he fire am wide ova di post
7mins- Osayi-Samuel wan try create some chances but South Africa defenders stand wit am.
6mins: OFFSIDE run by jersey number 17 for South Africa. Referee raise di flag
4mins: Nigeria dey put ball in possesion as Bassey dey hold di back well. Ajayi no gree for South African players. Nwabali dey confident for post.
2mins: Chance for Nigeria, but di header by Onuachu no gree enta
FREE KICK for Nigeria by Iheanacho
Nigeria take first throw-in
1 min: Nigeria kick off di match
Match don start
Starting XI
Nigeria IX: Nwabali, Ajayi, Bassey, Tanimu, Osayi-Samuel, Dele-Bashiru, Iwobi, Ndidi (C), Iheanacho, Lookman, Onuachu
South Africa IX: Williams (c), Mudau, Ngezana, Mvala, Modiba, Mokoena, Sithole, Tau, Zwane, Mokwana, Rayners.
